Belsje Beeraovend in ’t Brand Beer Museum

Belgsje Beeraovend

Belgsje Beeraovend op Vriedig 14 juli

Daag Luuj,

Op vriedig 14 juli vieren de Franse hunne fieësdaag en omdet ze op ’t Belsj auch soms Frans sjpraeke, hauwt ich unne Belsje Beeraovend in ’t Brand Beer Museum. Bert Goertz (van www.intheglass.nl) geit dezen aovend leiden en d’r zulle versjillende Belsje pareltjes veurbiej komme. Om 20.00 oer begint ’t festijn en trèkke weer ós truuk in ’t Brand Beer Museum.

Ich gaon neet verklappe waat weer allemaol gaon drènke, mer ich kèn waal vertèlle det weer aafsjloete mit unne Straffe Hendrik Quadrupel. Frisj oet ’t vaat det 6 jaor geriept haef. Unne lekkere zjwaore jong van 11% dae zeker weite geit sjmake!


Foto’s van de gesjlaagde Belsje Beeraovend!